A MULLER LAMPREA VII: CUESTIÓN DE SORTE.  A saga da muller lamprea, está xa no seu 7º capítulo, un marabilloso guión escrito por Iria Collazo. Un traballo do alumnado de 1º Bach que este ano mostra unha superheroina centrada no mundo da arte, como reflexo da sociedade en que vivimos

NAUFRAXIO: Unha historia sobre un naufraxio ocorrido no Morrazo, realizada con moito corazón , escrita e dirixida por Yago Cancelas . Está baseada na obra de gran realismo social: "E aínda din que o peixe é caro" do artista español Joaquín Sorolla.

O SINAL VERMELLO: Un conto con misterio,  inspirado no cadro Azul II, de Joan Miró, pintor surrealista español. Escrito e dirixido por Claudia Rivas.

SEREAS NON MORRAZO: Documental con guión de Brais Pérez (EDNL) no que calquera cousa é posible. Demostramos que toda gran verdade pode ser unha mentira e que toda mentira pode ser unha gran verdade. A obra de referencia é o Sireno, obra do escultor galego Francisco Leiro. 

O noso amor ten só ollos non corazón : Animación realizada coa técnica da  rotoscopia , máis de 500 debuxos dan vida ao cadro "Os amantes" do pintor surrealista belga René Magritte, no que se traballa que o amor non ten xénero nin etiquetas cun fermoso poema do escritor e poeta Miguel Ángel Alonso Diz, poema realizado en exclusiva para este traballo . 

MI HERMANO: Unha historia sobre o autismo que reflicte como se ve a vida a través da mirada do seu protagonista, dirixido e escrito por Zulema coa colaboración de Emma Ovín e Centro de Atención Temperá, Vínculo.

ROMPE O CÍRCULO DO ACOSO: O noso protagonista sufriu bullying na súa mocidade , nunha inesperada situación reflexiona sobre iso.