Trátase dunha mostra artística do alumnado de Debuxo de 1º e 2 de Bacharelato do IES as Barxas na que realizaron instalacións artísticas, ilustración e pintura partindo de haikus, poemas e outros textos que xenerosamente nos cederon para traballar grandes das nosas letras como:
Miguel Ángel Alonso Diz, Tamara Andrés, Isabel Blanco, Ana Cabaleiro, Francisco Castro, Yolanda Castaño, Iria Collazo, Ledicia Costas, Luís Chapela Bermúdez, Marta Dacosta Alonso, Suso Díaz, Xabier Estévez, Míriam Ferradáns, Antonio García Teijeiro, Xosé Manuel González - Oli, Anna R. Figueiredo, Toño Núñez, Emma Pedreira, Diego Seixo, Helena Villar Janeiro e X. M. Xespi.

Cada obra artística utiliza como parte da composición o propio hall do IES AS BARXAS, e son traballos realizados con materiais de reciclaxe na súa maioría. É unha exposición na que imaxe e palabra se unen para loitar contra as violencias machistas.
Esta mostra forma participa nunha campaña co mesmo fin proposta polo concello de Moaña á que nós nos unimos: #de25a25

O proxecto estivo exposto no hall do noso instituto durante todo o mes de maio, unha exposición aberta ao pobo de Moaña , con visita guiada , na que as alumnas e alumnos de Debuxo Artístico  explicaron a súa obra en diferentes ocasións , contamos coa visita dalgúns autores e autoras e DOA de Cangas .

Neste proxecto colaborou o departamento de Galego con Iria Collazo que nos axudou na convocatoria , ademais de participar coa súa obra . O departamento de economía con M José Soto xunto co seu alumnado coa preparación de petiscos para o día da inauguración , agradecer tamén o apoio da dirección , a Paloma e a Pepa polo seu café  e a Henrique , o noso conserxe , sen o cal sería imposible colocar algunhas das instalacións , dado o tamaño e a súa dificultade .

 

 

Profesora coordinadora: Luz Beloso

​

IES AS BARXAS

FONTE  DO UNICORNIO 2

MOAÑA (PONTEVEDRA)

36950

886120503 (conserxería)